Lög fyrir Bifreiðaíþróttaklúbb Reykjavíkur

Nafn, heimili hlutverk

1.gr.

Nafn klúbbsins er Bifreiðaíþróttaklúbbur Reykjavíkur, skammstafað BÍKR.

Heimili hans og varnarþing er í Reykjavík.

Hlutverk BÍKR er að vera vettvangur áhuga- og/eða atvinnumanna um akstursíþróttir og standa fyrir keppnum í flestum greinum akstursíþrótta.

Félagar og félagsgjöld

Félagar geta allir orðið sem áhuga hafa á akstursíþróttum.

Félagsgjöld skulu ákveðin árlega á aðalfundi klúbbins og miðast við almennt verðlag og umfang starfseminnar.  Kjörnir stjórnarmenn BÍKR þurfa ekki að greiða árgjald hvort heldur sem almennir félagsmenn eða félagsmenn með keppnisrétt.

Félagatal skal birt á heimasíðu klúbbsins.

Stjórn, aðalfundur, endurskoðendur og kosningar

Stjórn klúbbsins skal skipuð fimm mönnum og tveimur til vara. Kosning fer fram á aðalfundi og skal kosið sérstaklega um formann og er hann kjörinn til tveggja ára.

Kjörtímabil stjórnar er eitt ár. Stjórnarmenn skulu kjörnir til tveggja ára og eru tveir aðalmenn og einn varamaður kjörnir ár hvert.

Stjórnin skiptir með sér verkum á fyrsta fundi eftir aðalfund.

Á aðalfundi skal kjósa tvo skoðunarmenn reikninga klúbbsins til eins árs.

Stjórnin skal sjá um starfsemi klúbbsins milli aðalfunda.

Kjörgengi og kosningarétt hafa allir félagar í BÍKR sem greitt hafa félagsgjöld sín fyrr undangengið keppnistímabil eða eftir það, jafnvel á aðalfundi.

Kosning fer fram með handauppréttingu, eða með leynilegri kosningu,  sé farið fram á það.

Aðalfundur skal haldinn fyrir lok febrúar ár hvert (næsta árs) og skal stjórnin boða hann með minnst fjórtán daga fyrirvara bréflega eða rafrænt til gildra félaga. Í öllum málum ræður einfaldur meirihluti.

Formaður stýrir fundi eða gerir tillögu að fundarstjóra.

Reikningsár klúbbsins er almanaksárið.

Dagskrá aðalfundar er:

Starfsnefndir og keppnisstjórnir

Forsvarsmenn starfsnefnda og keppnisstjórnir einstakra keppna skulu skipaðar af stjórn hverju sinni og ber stjórn að sjá til þess að að lágmarki starfi nefndir sem að fjalla um eftirfarandi málaflokka.

Stjórn skal skipa í nefndir og ráð er starfa á vegum Akstursíþróttasambands Íslands (AKÍS)

Þeim sem eru í keppnisstjórn keppni er óheimil þátttaka í keppninni.  Keppendum er þó heimilt að aðstoða við undurbúning keppni.

Lagabreytingar

Lögum þessum má aðeins breyta á aðalfundi BÍKR. Tillögur að lagabreytingum skulu liggja fyrir skriflega á aðalfundi og vera dagsettar og undirritaðar af gildum félaga í klúbbnum

22.gr.

Engum skal vera heimilt að skuldsetja félagið nema með samþykki meirihlutar stjórnar.

 

Samþykkt á aðalfundi 8. Mars 2021